|
|
|
( 05.02.2012 )
|
|
|
|
( 27.01.2012 )
|
|
|
|
( 27.01.2012 )
|
|
|
|
( 27.01.2012 )
|
|
|
|
( 19.01.2012 )
|
|
|
|
( 16.01.2012 )
|
|
|
|
( 08.01.2012 )
|
|
|
|
( 01.01.2012 )
|
|
|
|
( 25.12.2011 )
|
|
|
|
( 23.12.2011 )
|
|
|
Toppkategori
Siste Nytt
|
Forfatter: Fat Tony
|
Publiseringsdato: 23.02.2008 10:03
|
|
Ikkje overraskande har dei vakre områda kring Brakvatne vorte valt som bakteppe i ein ny storfilm med den kjende MI6 agenten James Bond eller 007. Me har luska litt i manuset.
|
|
|
Ka so skjula seg unna Skinneset?
|
Etter det me forstår er lokasjon valt ut frå at skurken i filmen skal ha tilhaldsstad under ruinane ovanfor Skinneset der Odne-Tinesn budde. Det er som vanlig ikkje småting det er snakk om når skurkane i James Bond filmane trør til. Dei store gruvene på Skaftå blir brukt som kulissar for det som skal være skurken sitt bol under Skinneset, der han set og trekkjer i trådane for å oppnå verdsherredøme og uinnskrenkeleg makt. Men det er dei vakre områda som omsluttar Brakvatne som vil bli brukt i dei fleste scener i filmen når 007 byrjar å sirkla inn skurken.
Høgdepunkta står i kø og ein vil helst ikkje røpa for mykje. Men ein kan venta seg ein heftig biljakt på den flotte vegen rundt brakvatnet, på vegen langs Kringastebmo og oppover mot Erstad. I tillegg får ein stifta kjennskap med ein gammal raud traktor i Myre som har Stinger-rakettar bak lyktene og eit hemmeleg våpen skjult i forhaustarn og vossakassn.
|
|
I Myre har dei ein fela traktor med pikkstola og jevolvara
|
På ein av gardane på Brakvatne skal det etter frette vorte rigga eit ulovleg hemmeleg kasino der det blir servert sterkare saker ein vodka-martini. Forståeleg nok blir det meir enn smalaperler på smokingen til 007 når han lyt til å krypa grøftene heim etter den årlege Melodi Grand Prix finalen. James Bond har ofte vore langt nede, mørbanka og nær døden i dei tidlegare filmane som er laga. Dette kan neppe måla seg mot det han skal gjennomgå etter ein 3-dagars på gardane oppom Brakvatne i godt lag. Redninga blir til slutt ei av dei legendariske James Bond –piken som får han i skjul inne i ei stova i Edvardsdalen og får han på føtene igjen med gode potemiddagar og H-mjelk.
Filminga skal også strekkja seg over fleire årstider slik at ein vil oppleva rattkjelke med rakettar under fotkvilarane som går på kokt gjæra potesaft i tillegg til spektakulære alpinscener ned Kleppefjellet på vadlesletta. Basehopping frå Øksnaberget med påfølgande landing på MF Ole Bull blir også eit flott innslag med nydeleg utsikt over heile Sørfjorden. Dette saman med nervepirrande slost-scener i straumledningane frå Øksnaberget over til hi siå vil utgjera fin reklame for både ferja og den storslotte Osterøy-naturen.
|
|
Ska tru om me får sett badenymfe i filmen?
|
Som vanlig er også denne James Bond filmen heftig sponsa utan at ein f.eks. veit kor mange millionar OSF har gått inn med for å profilera ferja. I tillegg får ein sjå både aure frå Lærøy Fossen AS og Osterøykorv frå Tveiten. Men det knytte seg kanskje mest spenning til årets James Bond bil som er utstyrt med det ypparste av tilhengarutstyr frå Tysse. Inne på Tysse Mek. har måtta byggja eige egna produksjonslokale for å utvikla denne spektakulære tilhengaren som vil fungera både som Ubåt og fykemaskina i tillegg væra utstyrt med to 22 mm maskingevær og ha ikkje mindre enn 4 pingvin -rakettar bak skvettlappane og samstundes væra usynleg for radar.
|
|
Superhengar frå Tysso (Foto: Tysse Mek)
|
Meir vågar me foreløpig ikkje røpa bortsett frå at me veit at arbeidstittelen på filmen blir Potato Royale, Dualis har tittelsporet og filmmusikken og at ein skremmande sau frå Skår vil figurera på plakaten.
Det er elles verd å merka seg at målet for skurken denne gongen er å få kontroll over verdas matresursar og til slutt kunna tvinga alle til å eta pote, ikkje berre til middag men også til alle andre måltider. Planen er å forgifta og øydeleggja all produksjon av blant anna ris, mais, kveite og anna kornslag samstundes som han sjølv skal ta kontroll over all produksjon av pote. Så gjenstår det om agent 007 klarar å forhindra dette og unngå at verda blir råka av hungersnaud.
|
|
Tysane skua utøve vatne dar 007 skal kjøra recarbåt
|
|
|
Kanskje nåken lettkledde på strande?
|
|
|
Kanskje 007 ska grilla pølse te potna?
|
|
|
So ska dei kappkjøra rundt brakvatnet
|
|
|
Men kor henne vart da tå ferjå?
|
|
|
Dar va ho!
|
|
|
|
|
