|
|
|
( 05.02.2012 )
|
|
|
|
( 27.01.2012 )
|
|
|
|
( 27.01.2012 )
|
|
|
|
( 27.01.2012 )
|
|
|
|
( 19.01.2012 )
|
|
|
|
( 16.01.2012 )
|
|
|
|
( 08.01.2012 )
|
|
|
|
( 01.01.2012 )
|
|
|
|
( 25.12.2011 )
|
|
|
|
( 23.12.2011 )
|
|
|
12 juni. Ein supportars opplevelse
|
|
Toppkategori
Siste Nytt
|
Forfatter: Fat Tony
|
Publiseringsdato: 21.06.2004 15:56
|
|
Me slepp ikkje heilt taket i 12.Juni endå. Det var også mykje anna som gjekk føre seg denne dagen. VatleBros hadde blant anna CD sleppfest på Nero utpå kvelden og Supporterane segla sin eigen sjø.
|
|
|
Da begynnte tidleg å verta fullt med folk
|
Oppladningen til dagen og generalprøven vart oppgjeret mellom Valestrand Hjellvik Fotball Klubb og Skogsvåg på Furubakkjen. Her var den vante gjeng møtt opp for å støtta laget sitt til ein forventa kallassiger. (Noko dei sjølvsagt gjer kvar gong) Frå før kampstart og utover ljoma dei kjente låtane utover bana så det song i mellom bjørketrena i Valestrandsmarka. Ein maratonversjon av 'Hålands Black&White Army' vart starta tidleg og skulle avsluttast når den tettbygde trenaren skulle inn ta lagleiarbenken rett før start før start, for å visa daiane sine. Men det varte og rakk før han kom og songen visna etter kvart hen etter nokre minutt ut i kampen. Det var vel ingen som hadde budsjettert med at trenaren hadde sin vante tur på trykkeriet før kampstart, for å roa ned magen og nervane. Men han kom like etterpå og flekte av seg Dei-so-sei-da-e-da-sjøl- t-skjorta, so herlighetane kom til syne for ein jublande tilhengarskare.
Kampen starta med eit vådeskot frå Skogsvåg som hamna langt borti Bakkjen og sidan var det einvegskøyring frå VHFK si side. Dei stoppa ikkje før det stod 5-0 i målprotokollen og på sidelinja stod Joen stum av beundring, og fekk seg ein leksjon i kor lett det var å slå dette Sotralaget.
|
|
Kuttaren tok ein æresrunde framfø bryggjo.
|
Det virka som han tok lærdomen til seg for Osterøy fekk seg eit mål då dei kun tapte 4-1 mot det same laget helga etterpå. At Osterøy klarte å holda VHFK til 0-0 tidlegare i år er framleis ei gåte, og Joen lever vel på dette resultatet i lang tid frametter. Både barn og barnebarn og barnebarnebarn, oppi Gjeståsokne, skal vel få høyra historia om då OIL klarte å rana til seg eit poeng på Valestrand meir enn ein gong.
Etter at målfesten var ferdig, og Ræve frå Reigstad hadde satt siste ballen bak ein desillusjonert Skogsvåg keeper, vart det for nokon ein god grunn til å finna noko å leska seg på, medan andre tok ein tidleg kveld for å stryka finstasen og gjera seg klar til morgondagen. I regi Badnafakte vart det avtalt å møtast på kvart i femen slik at ein fekk seg nokre turar med MF Sand som oppvarming.
Då den store dagen endelig kom vart planane frå dagen i førevegen fort lagt på is. SMS meldingar som 'Skål' og 'Gratulerar med dagen' tikka inn og ein som fekk telefon om han kanskje måtte på jobb, heiv seg i bar skapet i påvente på å ha unnskyldninga klar i tilfelle telefon nummer to skulle komma.
|
|
Stola og nista og trångt om plassen på Gamlabryggjo denne dagen
|
Sola skein frå klår himmel og Norske flagg vaia frå kvar bidige flaggstong på Vakre Valestrand og til langt forbi Øyordskrysset. Våryre og klare som små lam innfann den eine før og hin etter seg på Gamlabryggjo med påsagodt, grillmat og eingongsgrill. Nokon hadde rypesekk med termos og ein bunke nystensilerte songtekstar. Nokon hadde kjøpt flagg på Slaje som dei skrudde opp på Bullanaustet. Nokon kom med fersk kake dei hadde vunne i tøysejentelotteriet og nokon kom endå til med ein heil koffert full av grillbestikk og utstyr. Ein bil vart observert kjørande fleire gongar gjennom sentrum med sjørøvar flagg vaiande på løvang ut gjennom ruta. Karane var stivpynta i dressar arva frå både bestn, ein gammal onkel eller rett og slett kjøpt gjennom eit kupp på Fretex. Lenge før kvart i femen nærma seg land var det nesten umulig å få seg plass på ein planke på bryggja. Men no var det på tide å koma seg av garde, for å få seg eit par ferjetura i solsteiken på dekk til MF Sand, før den la seg til på Breistein.
Ferjebilletørn fekk da travelt med å ta billettar av alle i tillegg til dei mange bilane som stod på kaien. - Du får komma oppom te oss på øpsta dekk. Va da ein som sa. - Du har goa tie for me ska ta mange tura endå. Billettørn smilte og pusta letta ut.
|
|
Nya ferjo vart inntatt men ikkje før den gamla va ærbødigt tatt farvel med
|
Ein heil gjeng stimla i saman framføre styrhuset og sjørøvarflagget vart tjort fast i den eine masta. Det var ein lystig gjeng som tok fatt på den fyrste turn til Breistein. Songhefte vart delt ut og då dei la inn til Breisteinkaien ljoma 'Ole Bull - No e ferjå vår' utover kaien til glede og underhaldning for alle bilane og passasjerane som stod og venta. No var dei godt i gong. Under overfarten vart låtar som Singel & Sand, Skigardsvise, Lesa og skriva med fleire, songe med stor innlevelse. Før ferja la til Valestrand vart det ropt på kapteinen mens ein gestikulerte med armar. Kapteinen forstod hintet og drog villig vekk i fløyta til stor begeistring og jubel frå dei reisande. Ole Bull vart songe for n'te gong denne dagen då ein la til kai. Ein kar dei møtte på kaien sa at han hadde hørt dei heilt inn i Haldorvikje.
På ny vart det satt kursen mot Gamlabryggjo. Her fekk ein oppleva innseglinga til Oln i godt lag. Jubelen ljoma utover Vågen etter kvart som ting byrja å skje.
|
|
Da låg tjokt i båta i havnebassenget
|
Kuttarn, MF Ole Bull, Ole Bull, Sæterjentas Søndag, piruett på Vågen, VatleBros på scena, OIL tap og mykje meir. Fleire tok seg turen om bord i ferja og fekk med seg underhaldning og diktlesing på ferjekaien før ein tok turen bort igjen for å nyta hans majestet midfjords. Men då sola byrja å senka seg over Rundhovdaneset var det på tide å vandra mot Nero for ein heidundrande konsert og CD slepp.
Vatle brørne drog i gong og snart var golvet fult av hoppande glade fans. No skulle ein endeleg få oppleva songane ein har venta så lenge på i levande livet. Det varte ikkje lenge før ølkranane var tomme, men heldigvis var det nok av råvarer i kjøleskapet. Stemninga stod i taket og endelig var det klart for aksjon. Forståeleg nok starta ein på 2 flak og han luringen som bydde 500 spenn vart fort vinka bort. Tøysejenter stod med hendene fulle av tusenlappar og visakort, men det skulle bli ein tøysegut som trakk det lengste strået. 4,7 flak vart den endelege sluttsummen for CD nr.1. TheKanel vart den heldige vinnar. Seinare fekk Beensn da travelt med å selja fleire CD'ar då det nærmast ramla folk inn over salsbordet hans. CD salget gjekk som kveitebolla og ein lyt kjappa seg skal ein få tak i ein før det blir tomt.
Når det lei mot avslutning forsvann ein luring i pirattaxi heim etter ein pose med fyrverkeri som hadde satt sine betre dagar. Med seg fekk han to andre skytebasar som lina opp batteria på kaien.
|
|
Kong Harald luska seg inn fjorden
|
Men etter kvart vart dei så ivrige at dei fyrte alt til himmels (I alle fall det som virka) før folk fekk sjans til å koma seg ut å sjå på. Me får håpa dei i alle fall fekk med seg nokon av smella.
Nachspiel vart det i første og beste huset ein kom til og då blir det fort rett oppom puben. Her ramla det etter kvart inn so mykje folka at det var ikkje fritt for at det blei litt søl. Dei berømte VHFK flagga vart hengt opp og spikra på veggar med alt frå småspikar til store kjøkkenknivar. Me får håpa husverten tok alt med fatning då han stod opp dagen etterpå og skulle vaska. Alle håpar vel på liknande dagar i framtida. Men flaggtog frå ferja til Bullahuset vart det ingen ting av... Men sumaren er endå ung på Vakre Valestrand.
|
|
|
|
