|
|
|
( 05.02.2012 )
|
|
|
|
( 27.01.2012 )
|
|
|
|
( 27.01.2012 )
|
|
|
|
( 27.01.2012 )
|
|
|
|
( 19.01.2012 )
|
|
|
|
( 16.01.2012 )
|
|
|
|
( 08.01.2012 )
|
|
|
|
( 01.01.2012 )
|
|
|
|
( 25.12.2011 )
|
|
|
|
( 23.12.2011 )
|
|
|
Toppkategori
Siste Nytt
|
Forfatter: Fat Tony
|
Publiseringsdato: 01.05.2004 20:27
|
|
Nytt ferjeselskap, ny operatør og no går allereie rykta om endå større investeringar i lys av den Engelske sektoren utanfor Bastavikje samt den elles så vakre naturen Sørfjorden har å by på. Er Valestrand Cruiseliners i emning?
|
|
|
Kan detta bli "ekstra" ferjå?
|
Ein har både Øksnaberg, Vikane og Kvammen å by på til sjøs og alt det Vakre Valestrand har å by på til lands. Etter det badnafakte.net kjenner til har Osterøy Ferjeselskap (OFS) og operatør Troms Fylkes Dampskibselskap (TFDS) drevet på med intens møteverksemd dei siste vekene med tanke på Cruise drift mellom Valestrand og Hamre. Sidan OFS no har konsesjonen i boks og TFDS har skipa som truleg lyt til, ser ein ikkje bort frå at dette kan bli eit samarbeid ’Made in heaven’. Etter det ein forstår vil Cruisedrifta avgrensa seg til sumarmånadane i frå Mai til August der ein vil sjå på mogeligheita for utvida drift etter kvart.
|
|
Travelt for Musikkjen framøve
|
For utan alle attraksjonar som fins om bord på desse flotte hurtigrute skipa til TFDS har både Valestrand samen med Hamrebygda nok av sersverdighetar å by på. Bullahuset og Hamrekyrkja blinkar seg sjølvsagt ut som hovudutfartsmåla men ein har også godt gøymde skattar viss ein tar med turar og rekreasjon i skog, fjell og mark. Turistane vil få eit uttal av val dei kan frotsa i. Me kan til dømes nemna kyrkjestien over Iseggja mellom Hamre og Valestrand som er ein turistmagnet i seg sjølv. Ein vil også kunna tilby guida turar til mellom anna Hånipa, Erstadfjellet, Burkelandsfjellet og Skårafjellet. For dei som likar kortare turar har ein plana om program og utflukter langs Brakvatnet, i Valestrandsmarka og i Edvardsdalen. Utelivet om sumrane på Valestrand er både viden kjent og rikt på variasjon, så det vil nok slå godt an hjå alt frå Amerikanarar til Tyskarar, men det er først og fremst Norske turistar ein vil satsa på.
Dette blir nok eit slags nisjetiltak i internasjonal samanheng og det er utsikta for taxfree sal innan skjærs som nok er den drivande krafta for planane. Ein vil ta sikte på at deler av turen vil bestå i å la skipet ligga å driva midtfjords i utanlandsk farvatn slik at ein omgår 48 timars regelen. Her vil ein til dømes få sjans til å pilka lyr på favorittplassen til Oln eller driva djupvassfiske etter alt frå pigghå til langa og brosma. Fisken blir deretter tilbredt av kokken om bord. Etter det bygdafrette fortel har den kjende kokken Midn, også kjent som Bekkjafararn, allereie fått eit lukrativt tilbod.
|
|
Slek kan da sjå ut utafør Bastavikje om litt
|
Frå Englandsbåten eller Danskebåten er det ikkje stort anna å sjå enn det blåe havet og ein og annan oljeplattform på vegen. Sjølv om ein vil ligga dørgande i ro, vil det vera meir å sjå på i Søfjorden enn heile vegen til Newcastle. I tillegg slepp ein problemet med høg sjøgang og sjøsjuke. Dette er bortimot det perfekte Cruiset for landkrabbar. Elles på båten blir tilboda av same slag som på båtane som går til England og Danmark med taxfree sal, nattklubb, casino og underhaldning av forskjellig slag.
|
|
Her får ein kjøpt billig mannabrus mens ein pilka lyr
|
Men tenk på kva selskapet vil spara på driftsutgifter og drivstoff? Naturvernsforbundet har allereie vore ute og proklamert sin begeistring for prosjektet. Det går ikkje mykje drivstoff med på driva midtfjords i timevis og ta ein liten stikkar utom kaien til Larsn. Band, orkester og artistar vil bli frakta ut eller henta i ein liten supply båt frå høvesvis dampskipskaien eller Breisten, slik at ein slepp å leiga dei inn for fleire dagar i slengen. Det er faktisk ikkje måte på alle fordelar og mogelegheiter ein ser i dette konseptet.
Det blir kanskje for tidleg å tru at drifta startar opp allereie til sumaren, men kjenner ein den driftige gjengen i OFS rett so er det ikkje lenge før me ser eit nytt selskap på børsen i Oslo. Me tippar at det blir eit felles dotterselskap mellom reiarlaga der namnet blir noko i bana Valestrand Cruiseliners eller Bull Cruises. So no er det vel snart på tide å grava djupt i lommene igjen for å sikra seg aksjar i nok eit vinnarprosjekt.
|
|
|
|
