|
|
|
( 05.02.2012 )
|
|
|
|
( 27.01.2012 )
|
|
|
|
( 27.01.2012 )
|
|
|
|
( 27.01.2012 )
|
|
|
|
( 19.01.2012 )
|
|
|
|
( 16.01.2012 )
|
|
|
|
( 08.01.2012 )
|
|
|
|
( 01.01.2012 )
|
|
|
|
( 25.12.2011 )
|
|
|
|
( 23.12.2011 )
|
|
|
Toppkategori
Siste Nytt
|
Forfatter: Fat Tony
|
Publiseringsdato: 11.12.2003 19:14
|
|
I desse dagar feirar Valestrand Hjellvik Fotball Klubb Supporter Klubb at det er eit år sidan klubben offisielt vart stifta. Me har fått nyss i nokon av planane for den vidare drifta.
|
|
|
Vill jubel for ein ny sesong med gaukaskap.
|
Aktiviteten i supporterklubben har variert ein del sidan midten på 90’ talet då enkelte tok til med synging på kampane og trykking av eigen fanzine. Etter det har det vore litt laber aktivitet før ein dei siste sesongane gradvis har funne tilbake til gamle takter. Etter den spesielt gode 2002 sesongen, der dei til dømes fekk ein heilsides reportasje i BT, vart det klart at her lyt ein laga ei offisiell foreining.
Dei gode tendensane fortsette utover i 2003 sesongen der ein heldt fram med til dømes skitur i Bydn på Skjærtorsdag, som no har vorte ein tradisjon, og deltaking i 17. Mai prosesjonen på Valestrand. Vidare har det vorte arrangert heidersfestar for A-laget og ein KISS fest i Ungdomshuset rett etter den offisielle stiftinga. Eit av dei mest populære innslaga supporterklubben har hatt denne sesongen var dei to dagane dei tok over drifta av kiosken på ferja. Ved båe høve vart det seld håttoks og glascola til den store gullmedalje. Begge gongane gjekk inntektene av pølsesalet til klubben, som fekk 1500 kroner den første gongen og nesten dobbelt so mykje andre gongen, då dette var øyremerka tribunekontoen til klubben. Utanom dette har givargleda vore stor blant medlemane som utanom dette har satt inn pengar på denne kontoen. Overskotet frå KISS festen gjekk derimot til Huskomiteen til Ungdomslaget til drifta av Kongshall og var på til saman 3000 kroner.
|
|
Valestrand te eg dør passa bra på siå av denne bilen no
|
Ein kan lura på korleis Supporterklubben får midlar til å driva med overskot når ein tenkjer på givargleda, kostnadar til reiser, flagg, faner, eigen bil, trykking av avis, Internett utgifter og kjøp av t.d. pokalar til årsfesten. Kasserar Johnny Ola kan fortelja at ein klarar å dekka mykje av dette med inntekter frå medlemsskapet som kostar 100 kroner. –Da e meir elle mindre ein symbolsk sum med tanke på ka ein får vera med på, men da hjelpe enormt på med tanke på alt som går med til å driva ein so seriøs klubb. Me får berre håpa at alle som betalte i fjor framleis vil væra med i 2004, og at kanskje endå fleire heng seg på. Til slutt legg han til at ein skal ikkje sjå bort frå at ein del flaskepant har finansiert mykje gaukaskap både på Furubakkjen og sø i Bydn siste året òg.
|
|
Ein av desse har vore og henta eit 'nytt' klenodium
|
Men til 2004 blir det nye utfordringar. Supporterbilen har sett sine siste dagar og kjører rundt i konstant frykt for å falla i saman eller møta på representantar frå Biltilsynet, som sikkert ikkje ser på armeringstape som eit godt materiale til å holda i hop ein bil med. Tirsdag 16. Desember skal denne bilen få møta sin skapar oppe i Rådalen. Men dette betyr ikkje nødvendigvis at ein skal unngå å få sjå svart/kvite bilar på vegen frametter. Vakne hovud i supporterklubben har vore ute og funne eit nytt potensielt eksemplar på bil. Går alt etter planen blir det både dugnad og nye badnafakte med den utover våren. Me får kryssa fingrane for at da e mindre rust i 30 år gammalt tysk stål enn 9 år gammalt russisk. Frank Fastelaven veit kanskje svaret?
Men reint bortsett frå dette så treng ein i desse tider tenka på å fornya medlemsskapet. I fjor kunne dei som var medlemar nyta fleire fordelar, der blant anna ei hua vart ein av overraskingane utover sesongen. Utanom dette får alle eit lamminert medlemskort og alle nummer av BWA gratis. Samstundes ønskje ein nye medlemar hjarteleg velkomen, både frå sitje og ståtribune -seksjonen. Det er faktisk eit perfekt gåvetips no rett før jul.
Kontonummeret for medlemskap er: 9710 53 03983
Hugs å merke på blankett eller nettbank både namn og medlemskap for 2004.
Medlemsskapet kostar i år som i fjor NOK 100,-
(For dei med adresse utanfor Noreg men innanfor EU; NOK 120,- Resten av verda inkl. Iran og Nord Korea; NOK 150,- Og dei med adresse Lonevåg, Fotlandsvåg eller Haus; NOK 200,-)
|
|
|
|
