|
|
|
( 10.03.2010 )
|
|
|
|
( 08.03.2010 )
|
|
|
|
( 08.03.2010 )
|
|
|
|
( 04.03.2010 )
|
|
|
|
( 04.03.2010 )
|
|
|
|
( 27.02.2010 )
|
|
|
|
( 23.02.2010 )
|
|
|
|
( 23.02.2010 )
|
|
|
|
( 23.02.2010 )
|
|
|
|
( 21.02.2010 )
|
|
|
Toppkategori
Kunngjeringar
|
No er det snart duka for den årlige musikkgjetteleiken arrangert av Reppen. Valestrand Hjellvik Supporter Klubb har igjen overraska i kvalifiseringa og stiller i finalen for andre året på rad.
|
|
|
Her tenkje ein so da knaka. Blir da S i år tru?
|
Det er i år som alle føregåande år knytte store forventningar til denne faste happeningen på Valestrand Skule. Me har ikkje vore so heldige å fått tak i lista med alle dei kvalifiserte enno, men me vil tru at førehands favorittar som Musikklaget, Båtlaget (med ein musikklærar på laget) og Redd Barna, som vant i fjor etter ein særs spanande finale, har nådd finalen igjen. Meir usikkert er det vel at Osterøy IL har kome gjennom nålauga med tanke på fjorårets prestasjonar.
Supporter Klubben er det derimot knytta store forventninger til etter den flotte 3 plassen i debutsesongen i fjor. Det er eit frykteleg press som kvilar på karane som skal i vinden også denne gongen. Frå i fjor kunne ein hugsa flittige toalettbesøk i herregarderoben sidan nærvane ikkje var heilt til å styra. Ein har etter alt å døma tatt konsekvensen av dette og stiller på reservebenken denne gongen. Inn frå sidelinja kjem i staden supersub McArno The Kanel, men elles blir laget som det har vore.
Laget blir også ofte omtala på grunn av sin ungdommelege profil og er i snitt knapt 25 år (pluss minus) og ein har i supportermiljøet vore usikker på om dei kan nå opp i ei tevling med so mange dyktige veteranar. Men frå CD utvalet til karane å døma burde ikkje dette verta noko problem. Der finn ein alt frå Salhus Kvintetten med Gryta hennar mor, til meir blanda drops ala Viser på dørk og dans på dekk. Utanom det veit ein at representantane har ringt flittig inn til NRK for å fremma ønskjer til den nya samleplata frå Kurt Foss og Reidar Bøe. Men S’et på ermet må nesten vera at dei har hatt Ivarn i Musikk på skulen.
|
|
Nåken frå laget i ein litt an musikk samanheng
|
Men skulle ein koma inn på meir smal type samtidsmusikk kan det også henda at desse karane vil slå til. I alle fall viss ein av fargane er svart. For det er nettopp fargar gjetteleiken skal handla om denne gongen, og viss ein skulle spora innom noko Black Metal under tevlinga bør dette laget ha minst ein kompetent på området. Heile laget håpar på minst ein KISS låt, men kanskje då ikkje Black Diamond. Dette blir etter alt å døma litt for enkelt for eit panel beståande av autistar innan for KISSTORY. At Johnny Ola håpar på låtar som -Eg ve ha en blå ballong, seier vel sitt til kvifor han hamna på sidelinja i år.
Ein ting er i alle fall sikkert. Om dei ikkje vinn denne gongen heller so kjem dei nok frå det med æra i behald. Som vanleg stiller laget i finstasen med både dress, slips og hatt (Hatten tar dei nok av i døra) som har vorte eit varemerke og omtala i rikspressa i alle mulege samanhengar. Det er berre å møta opp og støtta laget til nye høgder. Forutan plusspoenga ein opparbeidar seg ved slike tilstelningar, vil inntektene frå billettane som vanleg gå til Redd Barna.
Datoen i år er 15. Februar i Gymsalen på Nyeskulen
|
|
|
|
