Found at: http://www.badnafakte.net/article/articleprint/53/-1/4/

Sterk 3. plass i Musikkgjetteleiken

Publiseringsdato: 18.03.2003 10:28

VHFK markerte seg sterkt i den årlege musikkgjetteleiken i gymsalen dar dei stilde med to lag som delte tredjeplassen mellom seg.

Publikumn såg ut til å stortrives

Tett etter Kontrapunkt er vel musikkgjetteleiken arrangert av Reppen til inntekt for Redd Barna den musikktevlinga som har engasjert folk flest. Og etter at den populære NRK-serien måtte leggast ned under særs triste omstende har Reppen nærmast hatt monopol på denne formen for konkurannse. Detta har gjort at tevlinga har vokse seg stor og skal du no vera sikra plass i gymsalen på Valestrand må ein vera ute i god tid for å sikra billettar. Deltakarane må igjøno fleire rundar før dei vert tatt opp i sjølve hovedtevlinga. Og som ein del av den framadstormande kultureliten på Valestrand hadde iår supporterklubben til Valestrand Hjellvik Fotball Klubb markert seg med eit vidt spekter og komme seg heilt til finalen. Til stor overasking og glede for mange av tilskodarane. Laget stilde, korrekt antrukket, med eit so godt som toppa lag, nesten heilt skadefritt. Litt nerver var det nok ute og gjekk i debuten, det kunne ein sjå, men nervøse rykningar og svetteperler er vanskelig å styra på ein slik dag, spesielt med tanke på at nokon hadde vore med på eit anna kulturarrangement sø i bydn kvelden i forvegen. Godt at døra inn til garderoben kan løsast opp frå utsida.

Det skulle verta ein rik musikkkveld i gymsalen og etter at nokon med munnspel oppafør feriste hadde gjort seg ferdig var det duka for ein tå kveldens hovedattraksjonar. Inspektør Hanstveit Sr. frå Bakkjen akkompagnert av Reppen fekk verkeleg foten til å svinga på tilhøyrarane. Inspektør Hanstveit flytta til Valestrand som ung for å få ut sitt kunstneriske potensial og vert i dag annsett som ein av dei største trekkspel-virtousane landet har hatt. Han viste eit stort register og varierte fint frå dur, lett og ledig, til moll, tungt og stemningsfullt og viste at han meistra både eihands- og tohandskjempe til fulle.

VHFK-stjerna Sleggjo kasta glans over tevlinga

Publikum var no vorten varme og etter at ein hadde fått i seg vaffle og kaker i pausen kunne hovedtevlinga ta til. Don Juan de Valestrand var leigd inn som fotograf og fòr nermast usynlig rundt i salen på jakt etter blinkskot. Litt uvant for han å vera bak kamera, men det var ikkje vanskelig å sjå at han hadde dette i blodet. Litt artigt var det også at Valestrand Hjellvik-superstjerna Sleggjo hadde stillt opp som tilskodar. VHFK stilde med to lag og Sleggjo meinte at det var på sin plass at spelarane møtte opp og heia fram sine. -Med den støtten me får frå dei skulle da berre mangla at ikkje me stille opp me òg. Og Sleggjo såg ut til å trives godt og fann raskt tonen ilag med dei andre tilskodarane.

Temaet for Musikkgjetteleiken iår skulle vera vèret. Dvs at Reppen skulle spela 13 melodiar og det var om å gjera å plassera dei i ein tå kategoriane; sol, regn, vind og snø. Dommar og Reppen-frontfigur Ivar Elvik forklarte reglane so ein ikkje kunne ta feil. Fordelinga i kategoriane skulle vera 4-3-3-3 (ikkje ulik formasjonen OIL har trent på i vinter før møtet med VHFK). Etter litt nervar på dei fyrste melodiane der ein var litt usikker på om det var sol eller regn var VHFK-supportarane varme i trøya. Melodiar som Sønnavind, Hvem kan segla, Over the Rainbow, Der ligger et land mot den evige sne og Når soli gjeng bakom blåe fjell, gjekk inn som bankers og det var ikkje fritt for at nokon av deltakarane nynna melodien til dei kjente tonane. Johhny Ola var vel dagens kjappaste då han kjende igjen Fager kveldsol smiler. Det var ikkje få gongar han hadde sovna til den sangen frå mora si lune stemmen borti Bakkjen. Og Reppen spelde no ut heile sitt reportoar. Ivar Elvik var vorten varm og ein kunne skimte han bak den vikarierande cellospelaren. Av og til på venstresida, av og til på høgresida, fram og tilbake.

Konkurasen var hard og det gjaldt å vera skjerpa

VHFK-supportarane seila no fram som ein tå outsidarane. Don Fat Tony brukte kommentarfeltet godt og fekk fram fleire merknader på kvar song som kanskje kunne gje ekstrapoeng. So ivrig vart han at han lagde til eit ekstra felt dar dommaren kunne gje karakter på oppgåva i håp om historiens fyrste Særs Godt.

Nervane var til å ta og føla på då resultata skulle lesast opp. Spørsmålna gjekk om deltakarane hadde fått kabalen til å gå opp. Og eit lettelsens sukk kunne høyras og sisteplassen vart annonsert. Det var eldrtrimmen. Etterkvart som den eine sterke kanditaten etter den andre vart lest opp (Helselaget, Musikklaget,og Munnspelarane) utan at Supportarklubben var nevnt, steig spenninga. Og då Osterøy Idrettslag vart lest opp på femte plass braut jubelen laus. Og det skulle verta meir. VHFK-leiinga og VHFK-supportarane, som no var vorten ein publikumsfavoritt, havna på ein delt tredjeplass. Kun slått av Båtlaget (som hadde ein musikklærar på laget) og regjerande meister Redd Barna. Det vanka flott diplom til deltakarane og dei som havna på pallen var garantert plass i neste års tevling. Alt i alt ein stor kveld for VHFK i gymsalen. M++

Deltakarne syner stolt fram diplomet for 3. plassen

| Tilbake til vanlig sidevisning | Tips en venn om denne artikkelen |