Found at: http://www.badnafakte.net/article/articleprint/288/-1/5/

Siger med bismak

Publiseringsdato: 07.08.2007 20:19

Ei større krise er i ferd med å utarta seg på Valestrand og omegn etter at VHFK sin kamp mot Vadmyra 2 vart avlyst. Folk som har tippa er i harnisk over tidlegare avtaler styreleiinga i Scoringsklubben har inngått.

Vadmyra2 kunne ikkje stilla lag og VHFK vart tildelt poenga

Bakgrunnen er at Vadmyra ikkje kunne stilla lag og at VHFK difor vart tilkjent sigeren. Det er klare reglar for akkurat slike tilfelle og prosedyreverket seier at VHFK står igjen med ein 3-0 siger. Dei fleste forventa seg då at desse 3 ”måla” også skal inn i statistikken til Scoringsklubben som teljande scoringar. Men tidlege utalingar frå kjelder i styreleiinga kunne fortelja at sidan laget ikkje fysisk har scora vil det heller ikkje bli tatt med i målprotokollen. Dette har satt sinnet i kok hjå mange og det er venta både underskriftskampanjar og massedemonstrasjonar i Valestrand sentrum.

- Eg vart heilt knust då eg hørde dette søndags kveld, seier ein vonbroten innringar frå Restå-Åsen. Før sesongen gjekk eg gjøno kamp før kamp og har samen med innhenta statistikkar kome fram til at akkurat i denne kampen ville VHFK scora 5 mål, minst. (5,23 mål for å vera pinleg nøyaktig) No gir kretsen riktig nok 3 mål, men at Scoringsklubben fører opp null er for meg heilt uforståeleg. Sjølv om VHFK ligg framføre skjema, ut i frå Excel-arka eg jamleg oppdaterar, vil eg at rett skal væra rett.

Rykte vil no ha det til at styret i Scoringsklubben inngjekk ein avtale i fjor med leiinga om at viss ein kom ut for eit slekt scenario ville ein notera null mål i protokollen. Styre og styreledar i særdelesheit har no eit stort forklaringsproblem sjølv om dei seier at dette har vore allment kjent lenge. Det er på det reine at denne avgjersla er på tvers med føringar frå kretsen, samstundes som at det faktisk vil kosta Valestrand Hjellvik Fotballklubb mykje pengar. For kvart mål VHFK scorar renn det som kjent inn pengar i kassen frå dei som har tippa og som gir i forhold til scora mål.

Ein annan ting som bekymrar enkelte er toppscorar-statistikken. Her er det krefter i supportermiljøet som jobbar for å bruke 3-0 sigeren også i denne statistikken. Der lyt ein legga inn både parameter for gjennomsnittleg scoringsfrekvens samt kor stor del av måla ein vanlegvis scorar i ein 3-0 siger. Her kjen til dømes Pål Mål ut med 5/8-mål eller 0.625 mål i denne kampen. Viss han f.eks hamnar på 17 mål i år er det krefter som vil at dette no skal justerast opp til 17 5/8 mål eller 17,625 mål. Det er framleis diskusjon om ein skal bruka brøk eller desimaltal samt kor mange desimaltal ein skal bruka. Fleirtalet går førebels inn for 1 desimaltal, noko som då eventuelt vil gje Pål Mål 17,6 mål når ein til slutt summerer opp.

Badnafakte.net vil prøva å følgja opp denne særs betente saka utover haustsesongen. Styret vil kanskje sjå seg naudsynt til å endra opphavlege avtaler. Noko som vil kunna kosta dyrt men samstundes vil vera til det beste for både Scoringsklubben, VHFK og bygdafreden.

For dei som vil sjå neste kamp med VHFK blir det på Varden Kunstgras torsdag 9/8 kl. 19:30 mot Fyllingen2

| Tilbake til vanlig sidevisning | Tips en venn om denne artikkelen |